محمد صلاح “لاعب سبورتنج كاسل”: ننافس على الصدارة ولقب الهداف تعويض للايقاف
كتبت-منار محمد
بعد غياب دام 8 اشهر من ظلم تحكيمي يعود بقوه ويتوج بهداف الفريق والمجموعه حتي الان من سبع مباريات ،”محمد صلاح “هداف فريق سبورتنج كاسل يفتح صدره لموقع الاستاد .كوم .
هل توقعت ان تكون هداف ؟وما الهدف الذي استمتعت بيه ف كل الماتشات حتي الان ؟
الحمد لله في البدايه لسه راجع من وقف 8 شهور كان بسبب ظلم حكم ليا الحمد لله راجع بقوه ومن أول الدوري وانا بنافس علي هداف المجموعه وبسعي دائما مع زمايلي في الفرقه وبيساعدوني ، وخاصه انتشار الروح والحب بين الفرقه والي قدر يزرعها جوانا الكابتن ايمن درباله.
واضاف بأن افضل هدف هو هدف الفوز علي شباب الحنفي في اخر دقيقه له طعم ثاني خاصه انهم تعبم.
وقال الحمد لله ربنا كرمني في اخر خمس دقايق وقدرت اسجل هدفين ونكسب المباراه بعد تأخرنا بهدف .
هل سبورتنج قادر على المنافسة على الصداره ف هذا الموسم ؟
بالطبع سبورتينج هتنافس علي الصعود تعبنا طول الموسم لاعيبه كلها كويسه وبشهاده الجميع ومعانا جهاز فني محترم واداره موفره لينا كل حاجه فاباذن الله نكون مفاجأه الموسم ونصعد
ثقتك بتزيد من مباراه لمباراه بعد عوده دامت 8شهور الوقف؟
طبيعي الثقه بتزيد لسه راجع من وقف 8 شهور عندي شغف كبير جدا ان اثبت نفسي واعوض السنه الي فاتت الحمد لله ربنا كرمني وماشي بشكل كويس وباذن الله تستمر لحد ما اخد هداف المجموعه.
ضمنتوا التواجد ف اماكن متقدمة بسرعه ؟
احنا بناخد كل ماتش بماتشه مبنحسبش لحاجه كل الي بنفكر فيه اننا نتعب ونجتهد وربنا يكرمنا.
ماهي المباريات الصعبة في الموسم حتي الان؟
اعتقد الفرق كلها متقاربه بغض النظر عن بعض الامكانيات لدي الفرق مثل كفر الشيخ او صيد المحله او سمنود بس الكوره متعرفش كبير والكوره في الملعب والي بيجتهد وبيتعب ربنا بيكرمه.
ماهي تعليمات كابتن ايمن خلال المباريات؟
كابتن ايمن دايما ما يعطي لنا تعليمات وتوجيهات قبل اي مباراه ونقاط القوه والضعف عند كل فريق، وبنلعب علي هذا الاساس لينا طريقه لعب معينه بنجبر كل الفرق علي طريقتنا اي كان اسمها ودا طبعا دور جهاز الفني .
شايف المنافسه الموسم الحالي عامله ازاي؟
المنافسه السنادي صعبه خاصه من فرق كبيره وليا اسم في الدرجه زي كفر الشيخ نازل من الممتاز ب والصيد الي صعد قبل كدا وكذلك سمنود فالمنافسه مع الفرق دي هتكون قويه بس الكوره متعرفش المستحيل وباذن الله تكون سبورتينج هيا مفجااءه الموسم.
